بإمكانيات بسيطة : 3 أشقاء تونسيين ينجحون في تصنيع سيارة مهيئة للتنقل في المسالك الريفية

حيدر ومنتصر وسليم الخفيفي، 3 اخوة من منطقة الخروبة الريفية التابعة لبوعرقوب من ولاية نابل، حيث نجحوا بإمكانياتهم الذاتية بعد عمل استمر لسنوات في تصميم وتصنيع سيارة مهيئة للتنقل في المسالك الريفية والوعرة أطلقوا عليها اسم HAYMOS Tunisie.

في البداية قام الاخوة بتصميم السيارة ولان امكانياتهم المادية كانت شبه منعدمة فقد كانوا يقومون بجمع الحديد و القطع من الخردة “الفيراي”، وبسبب دراستهم في الجامعة فقد كانوا يتفرغون للتصنيع في عطل نهاية الاسبوع وعطل الاعياد ويستغلون كل لحظة للإبداع والإبتكار.

تحقيق الحلم بإمكانيات بسيطة :

يقول حيدر الشقيق الأكبر، ان تصنيع السيارة كان حلمهم منذ الطفولة وانهم سعوا الى تحقيق هذا الحلم بإمكانياتهم البسيطة ولم يستسلموا لغياب الامكانيات.

ويضيف حيدر ان HAYMOS Tunisie تعمل بشكل جيد وأثبتت فعالياتها في المسالك الوعرة وهي متينة من حيث الجودة وسهلة الإصلاح في حال العطب.

ويشدّد على أنهم قادرين على صناعة سيارة أفضل لو توفرت الامكانيات والدعم.

مضيفا أنهم تحدّوا عديد الصعوبات :”كان ينقصنا برشا معدات وكنا مخصّين بلاصة في الدار نخدمو فيها وتحدينا الظروف الكل الشمس والمطر وما سلمناش في حلمتنا.. وكل واحد فينا كانت عندو اللمسة متاعو في الخدمة ويفهم في حاجة معينة.. بقينا 3 سنين ونصف وأحنا نخدمو في الكرهبة هذه وما نحبوش نضيعو الوقت في أي حاجة أخرى”.

الموهبة أساس النجاح :

يُعتبر الإبداع أحد أهم عوامل النجاح، والحقيقة أن يأتي نتيجة تضافر الموهبة والتفوق، فلا يمكن مثلًا أن يكون شخصًا متفوقًا وموهوبًا ولا يكون مُبدعًا، فهي معادلة شبه مُتكاملة.

حيث نجد كل منا يميل إلى مجال معين في الحياة ويبدع فيه ويتفوق بشكل تخصصي مما يؤهله للنجاح في حياته وخدمة الآخرين.

ويقول ال3 أشقاء في حوار إعلامي أنهم موهوبون ومغرومون بذلك المجال منذ الطفولة، وهو ما ساهم في تألقهم :”

كنا متحمسين ومغرومين بالشي الي نعملو فيه والخدمة تجيب.. والحمد لله يا ربي بالخطوة بالخطوة وبالصبر وكل واحد فينا يعطي فكرة والفكرة هذيكا نطوروها مع بعضنا لين وصلنا للكرهبة هذه.. مالصغرة مغرومين برشا بالميكانيك وكي يبدى فما عطب في الكرهبة نصلحوه وحدنا .. مغرومين زادة بالبريكولاج برشا وديما نبتكرو ومرة وأحنا صغار خذينا بسكلات ورجعناها موتور.. الغرام هو الي خلانا ننجحو ونبتكرو..”.

رسالتهم للشباب :

ويوجه الإخوة المبتكرين رسالة للشباب بأن لا يستسلموا وأن يسعوا وراء حلمهم من أجل تحقيقه :” كلمة للشباب الي عندو فكرة وخايف من الفشل نقلو اصدم ابدى إذا كان عندك فكرة في مخك انطلق فيها ما تبقاش تخمم وبقدرة ربي باش توصل.. أحنا في المرحلة القادمة باش نحسنو في الكرهبة هذه .. ونتعداو للتصنيع.. وان شاء الله نخدمو برشا أنواع منها”.